madaxweynaha Puntland oo garoowe lagu soo dhoweeyey
|Madaxweynaha dawladda Puntland Dr. Cabdiweli Maxamed Cali Gaas oo safar shaqo u maqnaa magaalada Muqdisho ayaa maanta soo gaarey magaalada Garoowe ee Caasimadda dawladda Puntland.
Madaxweynaha ayaa waxaa garoonka diyaaradaha ku soo dhoweeyey Madaxweyne ku xigeenka dawladda Puntland Eng. Cabdixakiim Cabdullaahi Xaaji Cumar Camey, guddoomiyaha Baarlamaanka dawladda Puntland Axmed Cali Xaashi, Wasiirro, Xildhibaano, maamulka gobolka Nugaal, kan degmada Garoowe iyo boqollaal dadweyne ah.
Ka dib madaxweynuhu wuxuu u gudbey Madaxtooyada dawladda Puntland ee Garoowe, halkaas oo uu kula hadlay qaybaha kala duwan ee warbaahinta isla markaana uga warbixiyey safarkii uu ugu maqnaa magaalada muqdisho iyo waxyaabihii uga soo hirgalay.
Madaxweynaha ayaa sheegay in safarkiisii uu guul kusoo dhammaaday maadaama Madaxweynaha dawladda Federaalka Soomaaliya uu xeer Madaxweyne ku meel mariyey heshiiskii ay wada gaadheen dawladda Puntland iyo dawladda Federaalka Soomaaliya ee dhabbaha loogu xaarayey hannaanka doorashooyinka 2016-ka. Madaxweynuhu waxa uu sheegay in maalmaha soo socda magaalada Garoowe lagu qaban doono shirka madasha wadatashiga Qaran isla markaana ay halkaan isugu imaan doonaan Madaxda dawladda Federaalka iyo Madaxda dalwadaha xubnaha ka ah.
Madaxweynaha dawladda Puntland ayaa sidoo kale sheegay in dhowaan magaalada Garoowe lagu qaban doono shirweynihii dib u eegista dastuurka qabyo qoraalka ah ee dawladda Federaalka Soomaaliya oo hore dhowr