Howlgal ay si wadajir ah u Fuliyeen DF Soomaaliya iyo Maraykanka [Warbixin]

War kasoo baxay Dawladda Federaalka Soomaaliya ayaa lagu sheegay in Ciidamada Dowladda oo kaashanaya Taliska Mareykanka Afrika ee loosoo gaabiyo AFRICOM ay ku dileen labo xubnood oo katirsan Al-Shabaab.

Duqeynta ayaa ka dhacday Deegaanka Kuunyo Barrow ee Gobolka Shabeelaha Hoose, waxaa fuliyay diyaaradaha duulliye la’aanta ee Drones-ka sida lagu yiri warka kasoo baxay Dowladda Soomaaliya.

Waa duqeyntii saddexaad muddo ka yar toban maalmood Diyaaradaha Duulliye la’aanta ay ka geystaan Isla deegaanka Kuunyo Barrow ee Gobolka Shabeelaha Hoose.