warsaxaafadeed / prof: cali maxamed geedi oo ka wacyi geliyey dadka somaliyeed xanuunka covind19

Si qof walba oo naga mid ah uu kaalin uga qaato la dagaallanka iyo cirib-tirka cudurka saf-mareenka ah ee Coronavirus (Covid19), waxaan shacabka Soomaaaliyeed gaar ahaan bulshaweynta magaalada Muqdisho deggan ku boorrinayaa in ay u hoggaansamaan jihaynta iyo talooyinka arrimaha caafimaadka ee dowladda. Waxaan siyaasiyiinta, culimada iyo indheer-garka kale ee Soomaaaliyeed xusuusinayaa in aan la siyaasadaynin la dagaallanka cudurka Covid19. Waxaan sidoo kale cod dheer shacabka Soomaaaliyeed ugu baaqayaa in ay ka qayb qaataan gurmadka dadkeena Soomaaaliyeed ee daadadka biyaha roobku ay ku saameeyeen magaalada Qardho ee Gobolka Karkaar ee Puntland. Dadka ku geeriyooday Ilaahay jannadiisa ha geeyo; dhaawacyadana Allaha u boogo dhayo.Walaalayaal aynu isu gurmanno, is garabsanno, isna gargaarno. Dowladda Federaalka iyo Beesha caalamka waxaan ugu baaqayaa inay gurmad degdeg ah la gaaraan dadka ku wax yeelloobay daadadka biyaha roobka iyo fatahaadaha.

Posted by Ali Mohamed Gedi on Tuesday, April 28, 2020