Mas’uuliyiinta Wasaaradda Qorsheynta XFS oo kulan la qaatay Hay’adaha caalamiga ah ee dalka ka howlgala

Wasiirka, Xoghayaha joogtada ah, Agaasimaha iyo la taliyaha dhinaca Howlgalka Bahwadaagta Soomaaliya ahna Maareeyaha Qorshaha Qaranka ee Wasaaradda Qorsheynta ayaa maanta kulan wada-tashiga wareegga labaad ee Qorshaha Sagaalaad ee Horumarinta Qaranka la qaatay Hay’addaha caalamiga ah iyo Safaaradaha Soomaaliya ka howlgala.

kulanka oo muhiimad gaar ah u lahaa labada dhinac ayay Wasaaradda Qorsheynta Qaranka ku soo bandhigtay warbaxin ku aaddan geeddi socodka qorista Qorshaha horumarinta Qaranka 9-aad iyo qaybo ka mid ah qoraalka wareegga koowaad ee Qorshaha sida uu uga qabsoomay Dalka, kaas oo ay ka soo baxeen saddex ahmiyad oo waaweyn oo kala ah Siyaasad loo dhanyahay, kobaca Dhaqaalaha, Amniga iyo Sareynta Sharciga.

Bahwadaagta Soomaaliya ayaa bogaadiyay Shaqada Wasaaradda Qorsheynta Dalka ay ka waddo iyo sidii looga mira-dhin lahaa hiigsiga dalkeenna.